WILLEMSTAD.- Polis a informá di e identifikashon di e víktima di aksidente di djasabra pasá. Ta trata di e aksidente riba Seru Loraweg ku a sosodé den kareda di kuartu pasá di 2 di mardugá di djasabra.
E outo ku e víktima tabata okupante di dje a kore den skual parse, pèrdè kontròl i bai dal den un palu i finalmente pega den un muraya.
E víktima pasahero a keda benta pafó di e vehíkulo. A konsekuensia di e slanan ku el a haña el a fayesé na e sitio mes. Polis ta informá ayera di e identifikashon di e dama akí.
Ta trata di Alexandra Wilhelmina Van Berkel, nasé na Hulanda 16 di yüli 2002. Manera EXTRA a informá anteriormente, e víktima lo mester a sali bèk pa Ulanda aki dos siman. EXTRA ta ekstendé palabranan di kondolensia na su famia.
