Víktima di kemadura a fayesé

WILLEMSTAD.-  1 siman despues di e insidente kaminda un famia a pèrdè tur kos despues ku nan kas a sende na Kaminda Mitologia (Jan Luis) , e famianan a keda konfrontá ku otro notisia tristu kaminda nan miembro di famia a fayesé ayera na Colombia.

Ta trata aki di e homber Elvio Elizabeth di 73 aña di edat ku a risibí kemaduranan na entre otro kabes i tambe ámbos brasa.

Un dia despues di e insidente e víktima a keda transportá pa Colombia kaminda e tabata lucha pa su bida.

Pero lástimamente ayera e homber aki a pèrdè e bataya.

EXTRA ta ekstendé su mas sentido di pésame na famianan di e defuntu.

 

SHARE

LEAVE A REPLY