GAZA, TERITORIONAN PALESTINO, AFP.- Israel i gruponan palestino armá den Gaza Strip a interkambiá di tirunan di rakèt i misilnan, un dia despues di e operashon israelí di mas mortal na West Bank desde 2005.
Diesun palestino, inkluyendo un adolesente di 16 aña a fayesé djárason i mas ku 80 a resultá heridá despues ku nan a haña bala durante un razia israelí na Naplusa, segun e ministerio di salubridat palestino.
E operashon a haña un reakshon desde Gaza Strip, ku vários tiru di rakèt kontra Israel, kual na su turno a reakshoná ku bombardeonan aéreo kontra e teritorio bou di kontròl di e movementu islamita Hamas desde 2007.
Na promé instante no a registrá niun víktima pa e interkambio aki, kasi dos luna despues ku e gobièrnu nobo di Israel a sinta, konsiderá komo esun di mas derechista den historia di e pais.
E promé minister Benjamin Netanyahu a aploudí e aktuashon israelí despues di e operashon na Naplusa.
E víktimanan di e razia di Israelí na Palestina a laga víktimanan di entre 16 i 72 aña morto.
E ministerio palestino a informá ku 82 persona a resultá heridá i 250 persona mester a haña tratamentu pa inhalashon di gas lakrimógeno.