WILLEMSTAD – Na prinsipio di e siman aki tabatin e kaso den kual a kima tres outo simultaniamente den Frederikstraat i awe mainta a toka turno den Oude Caracasbaai. Doñonan di e kas a lanta i topa ku mannan kriminal den oranan di mardugá a sende un Jeep Grand Cherokee blanku na kandela kousando un destrukshon total na e outo. Via di e kámara por a tuma nota ku dos hòmber kompletamente tapa ku dos jug di gasolin a yega na e sitio di e krímen i sende e outo na kandela i despues kore bai. Manera a indiká e Jeep a kima praktikamente por kompleto. Awe manita e departamento forensiko di kuerpo polisial lo hasi e investigashon di un otro kaso di sendementu di outo na kandela intenshonalmente.
){kind=link}