…Tempu ku ainda e relashon tabata bon entre e presidente kolombiano Gustavo Petro i su vise presidente Francia Marquez…
BOGOTA (AFP).- E vise presidente di Colombia, Francia Marquez, a bisa di a risibí “menasanan” di morto kontra di su persona i su famia despues di a denunsiá kasonan di korupshon meimei di un relashon na distansia ku su mes gobièrnu.
Marquez ta un dje funshonarionan mas kritiká di parti dje presidente iskierdista Gustavo Petro dia 4 di febrüari, ora ku e mandatario a transmití di forma bibu via televishon i retnan sosial i di konseho di minister.
E vise presidente i minister di Igualdat a mustra su malkontentu pa presensia den e gabinete di personanan ku e ta konsiderá komo korupto.
“Awe mi bida ta na peliger. Denunsiá korupshon i mustra riba kosnan malu tin su konsekuensia”, segun el a skirbi den un komunikado.
“Pa a bisa sierto bèrdat nan ta purba i lo sigui purba pa hinka mi den e skandalnan i maniobranan polítiko pa buska pa daña mi imágen”, segun el a agregá.
