WILLEMSTAD.- Despues di warda 2 aña largu ViseVèrsa a estrená nan trahe pa loke ta trata karnaval 2023. Esaki a sosodé huntu ku e selebrashon di 10 di òktober, dia di Pais Kòrsou, riba Hendrikplein.
Manera ya ta un kustumber, di un forma dinámiko, ViseVèrsa a estrená nan trahe “Chakris Dinasty- The Empire of Bangkok”. Durante di e estreno di trahe, e públiko presente por a disfrutá di e 2 sekshonnan ku ViseVèrsa tin tur aña di nobo, esta sekshon general i sekshon limitá.
Pa mas informashon i/òf inskripshon por tuma kontakto ku ViseVèrsa riba number di telefòn 529-6060 i por sigui e página di Facebook: ViseVèrsa Curaçao i e Instagram page: @viseversa_curacao
