…Bishitantenan, prinsipalmente turistanan, na momneto di un bishita na Poas den e bario Alajuela na Costa Rica…
SAN JOSE, Costa Rica (AFP).- E volkan Poas, un dje atrakshonnan turístiko di Costa Rica, ayera tabata den estado di alerta oraño pa motibu di oumento di gasnan ku ta sali, loke ta impliká un chèns grandi di erupshon.
E koloso di 2.708 meter di altura, rondoná pa un mondi será i na un distansia di 50 km for di San Jose, a oumentá su aktividat dia 13 di mart. Esaki a pone ku a restringí e bishitanan pero sin para esakinan.
“Nos tin hopi informashon ta ku indiká ku tin movishon den e profundidat. Nos no sa kiko ta bai pasa pero ta un situashon di preokupashon”, segun e eksperto franses Geofroy Avars, di “Observatorio Vulcanológico y Sismológico de Costa Rica” (Ovsicori).
“Na e momento akí, Poas ta na nivel tres (oraño), ku nos ta yama di prekoushon. Ta nivel tres riba e kuater nivelnan i esei pa motibu ku e volkan ta presentá vários aspekto ku ta generá preokupashon”, segun el a agregá.
Costa Rica ta un pais ku mas di 120 foko di volkan pero e mayoria ta morto i solamente sinku ta aktivo: Poás, Rincón de la Vieja, Arenal, Irazú i Turrialba.
Bishita na volkannan a keda suspendé for di aprel di 2018 pa ougustrus di 2018 pa motibu di erupshon.
Suspenshon di bishitante tin un fuerte impakto ekonómiko pa e komunidatnan den e area, pa motibu ku nan entrada ta dependé di turismo.
