HELSINKI, FINLANDIA, AP.- E fabrikante sueko Volvo a anunsiá ku esaki ta asosiando ku e empresa di taksi partikular pa fabriká e siguiente generashon di vehíkulonan outónomo. Esaki ta un proyekto balorá na 300 mion dòler.
E empresa sueko a bisa ku a firma un akuerdo ku Uber pa inkorporá e último konosementu den teknologia tokante outonan outónomo. E vehíkulonan ta wòrdu manufakturá pa Volvo Cars i kumprá pa Uber.
E dos kompanianan ta planiando pa Volvo komo base di e proyekto i ta agregá un sistema di maneho outónomo ku e kompania mes ta desaroyá.
E direktor ehekutivo di Volvo Cars, Hakan Samuelsson a bisa djaweps ku e ta orguyoso di a wòrdu skohe pa Uber, kual el a yama “un di e empresanan lider den teknologia mundial”. Volvo a bisa ku e aliansa ta un paso signifikativo den negoshi di outo ku ta buskando teknologianan nobo i ta e komienso di loke ámbos empresa ta mira komo un sosiedat industrial riba término largu.
