WILLEMSTAD – Awe den oranan di mardugá Wardakosta a interseptá un boto sùit di Kòrsou ku sigur 20 ku tur probabilidat venezolano abordo. Lokual a hala mas atenshon i sigur lo a shòk e miembronan di Wardakosta ku ta tabatin 5 mucha abordo di kual unu tabata un beibi.
Intenshon tabata pa tur drenta Kòrsou di forma ilegal pero nan plan aki kai na awa na momentu ku radarnan di militar a detektá e boto aki yegando kosta di Kòrsou. Mesora a bati alarma i e metalshark di Wardakosta a logra para e boto i detené tur esnan abordo di e jola kolo blou aki. Manera a indiká tabatin komo 20 persona abordo entre kual hende hòmber, hende muhé i mucha. Alrededor di 3:15 a drenta haf di Kòrsou ku tur e detenidonan i a bai direkshon di Parera unda nan ta keda prosesá pa despues den futuro keda deportá.
