WILLEMSTAD – Ayera nochi Wardakosta a detektá un boto sospechoso ku tabata nabegá den direkshon di Kòrsou. E boto, un tipo di boto yamá yola tabata nabegando di parti sùit. E Sentro di Operashon Marítimo di Wardakosta mes ora despues di e detekshon aki, a dirigí un Metal Shark na e sitio kaminda e boto tabata. Na bordo di e boto sospechoso e agentenan di Wardakosta a enkontrá un grupo di indokumentado i un kachó. E boto i e personanan a keda hibá na e pir di Wardakosta na Parera, despues esnan indokumentá a keda entregá na Kuerpo Polisial di Kòrsou. En total 30 persona ku nashonalidat Venezolano, di kua 10 dama i 20 hòmber inkluso un menor di edat, a keda detené riba e boto. E kachó a ser entregá na Veterinaire Dienst di Kòrsou.
