WASHINGTON, AP.- Mas di 21,3 mion turista a bishitá Washington aña pasá, establesiendo rèkòrtnan tantu den turismo nashonal komo internashonal. Asina ofisina di turismo a indiká djárason den e kapital merikano.
E turistanan estranhero a suma 2 mion pa promé biaha, mas tantu debí na un subida di turista chines, segun informashon publiká djárason pa Destination DC. E ofisina di turismo a anunsiá ku 19,2 mion turista merikano den luna di mei, bishitando Washington DC aña pasá.
E turistanan nashonal i estranhero a gasta 7,100 mion dòler, 300 mion mas ku 2014, na momentu ku siudat a risibí 20,2 mion bishitante.China a sòru pa mas kantidat di biahero, ku 300.000, un subida di 36% kompará ku 2014.
E total di 2 mion estranhero no ta inkluí turistanan di Canada ni México pasó Departamento di Komersio no tabatin mesun informashon ku na fronteranan.
E industria di turismo tin 74.000 trahadó den Distrito di Columbia, segun Destination DC.
