MOUNTAIN VIEW CALIFORNIA, MERKA, AP.- Waymo, e kompania di vehíkulo outónomo di Google, a bisa djamars ku e kompania lo kuminsá efektuá algun testdrive riba kareteranan di Florida pa eksperimentá ku áwaseru.
E pruebanan lo kuminsá otro siman na Miami, segun informashon di e kompania ku sede na Mountain View, California. El a agregá ku esaki ta inkluí trayektonan di Orlando, Tampa i Fort Myers. E vehíkulonan di prueba lo wòrdu manehá pa un persona tras di e stür. Datonan manera sensor di laser i radar lo wòrdu rekompilá, apesar ku áwaseru fuerte por afektá e kalidat di imágen.
Waymo a bisa ku Miami ta un di e siudatnan mas húmedo di Merka durante lunanan di verano i tambe temporada di orkan.
E empresa a inisiá ku pruebanan den diferente zona, inkluyendo San Fransisco i Phoenix, inkluyendo suburbio di Detroit i Seattle.
Waymo a kanselá un servisio di transporte di vehíkulonan outónomo na gran eskala na Phoenix, debí na preokupashonnan di seguridat.
