KOLKATA, INDIA, AFP.- Kaidanan di rayo a mata 27 persona i kuater pasahero riba un buelo a keda hospitalisá despues di turbulensia fuerte pa motibu di mal tempu na India, segun indikashon di ofisialnan djamars.
E tipo di insidentenan aki ta komun den yüni-sèptèmber, durante e temporada di mal tempu na India.
Un buelo ku a sali for di Mumbai a keda pegá den e tormenta na momentu ku e avion mester a aterisá, segun indikashon di ofisialnan. Ocho pasahero a resultá heridá i mester a keda hospitalisá.
Promé Minister Narendra Modi a anunsiá ku lo proveé un kompensashon finansiero na famia di e víktimanan i esnan heridá.