BERLIN, AP.- Míles di trahadó a bai wèlga ayera di un fábrika di Ford i otro fábrikanan na Alemania miéntras e sindikato prinsipal di industria di e pais tabata eksihí mihó salario.
Den kareda di 13 mil empleado di e fábrika di Ford na Colonia a partisipá den e protesta konvoká pa e sindikato IG Metall, asina e agensia di notisia pa a informá. E medida tambe a afektá fabrikantenan lokal di piesanan di outo manera Bosch i Mahle.
E wèlga a kuminsá den anochi di warda djamars ora e negosiashonnan a frakasá. A keda anunsiá mas wèlga pa awe djabièrnè den e instalashonnan di BMW, Audi, Daimler i Porsche.
E sindikato ta pidi un oumento salarial di 6% pa algun 3.9 mion di empleado i e derechi di redusí siman di trabou na 28 ora pa dos aña si e trahadó komprometé su mes na bai bèk na un orario regular.
