MINSK, BELARUS, AFP.- E lider di oposishon, Svetlana Tikhanovskaya a hasi un petishon pa organisá un wèlga general kuminsando awe, despues di manifestashonnan multitudinario kontra e presidente di Belarus, Alexander Lukashemko.
“E régimen a bolbe mustra ku violensia ta e úniko kos ku nan por hasi”, asina Tikhanovskaya a bisa riba su kanal di Telegram. “P’esei mañan (awe), 26 di òktober, lo dekretá un wèlga nashonal”. E opositor ta bibando den eksilio na Lituania.
Belarus a akohé diferente protesta sin presedente kontra reelekshon froudulento di Lukashenko riba 9 di ougùstùs. E ta gobernando e pais for di 1994. E movementu opositor a sufri di preshon konstante di outoridat, kual a kondusí na detenshon òf eksilio di mayoria lider prinsipal den ekstranhero, durante gobernashon di Lukashenko.
Mas di 100.000 persona a yega kayanan di Minsk pa ekspresá nan disgustu relashoná ku e sistema di gobièrnu di Lukashenko. E protesta a keda reprimí pa agentenan polisial.
