Wèlga grandi na Ulanda pa un mihó penshun

Den Haag.- E kompania estatal di transporte ulandes Nederlandse Spoorwegen (NS) por a kuminsá laga treinnan kore te mas o ménos mitar di ocho di mainta (ora ulandes), despues ku e wèlga di su trahadónan a finalisá. Rònt Ulanda tin akshonnan ta tumando lugá kaminda trahadónan den tur sektor ta eksigiendo un mihó penshun.

NS ta bon konsiente di e nesesidat di un transporte públiko bon, na ora i konfiabel. Ta for di djabièrnè siman pasá a bira konosí ku lo tin akshon den e siudatnan Den Helder, Hoorn, Alkmaar, Enkhuizen, Utrecht, Eindhoven, Rotterdam, Heerlen, Maastricht, Den Haag, Zwolle, Enschede, Amsterdam i Arnhem.

Mas lat den dia ta spera akshon na Schiphol tambe. Tres sindikato grandi di Ulanda ta partisipando den e akshon aki ku ta CNV, FNV i VVMC. E akshonnan ta pa mantené edat di penshun na 66 i ta den e kuadro ei e akshon ta dura kada bia 66 minüt.

E sindikatonan ta mustra ku algun mion hende na Ulanda ku ta hasi trabou pisá òf ta traha warda , tin hopi problema di salu pa yega e edat di penshun, pues si sigui edat di penshun e ta bira un situashon horibel pa e trahadónan.

SHARE

LEAVE A REPLY