PARIS, AP.- Polis di Paris a tira ku gas lakrimógeno kontra manifestantenan djaweps, pa purba disolvé e protesta. Toren Eiffel a sera, diferente trein di velosidat haltu na Fransia a para i diferente persona a marcha den e pais kompleto durante un wèlga kontra e plan di gobièrnu pa reforma e sistema di penshun.

Agentenan a arestá por lo ménos 87 manifestante den e kapital franses anochi, miéntras e manifestantenan a mengua.

E wèlga nashonal a wòrdu lansa pa tempu indefiní kontra e reforma sentral di presidente Emmanuel Macron. Esaki ta e desafio di mas grandi ku e lider ta enfrentando despues di e movementu di chaleko hel kontra desigualdat ekonómiko.

Atversarionan di e reforma ta teme ku e kambionan ta pone estilo di e bida franses na peliger, kual a logra konstruí ku hopi esfuerso.

Gruponan chikitu di aktivista ku maskarada a kibra drenta den diferente tienda, sende tayernan na kandela i tira artíkulonan na kandela den área di e marcha na Paris, kual aparte di esaki tabata pasífiko. E manifestantenan a tira piedra kontra polisnan anti disturbio.

LAGA UN KOMENTARIO

Please enter your comment!
Please enter your name here