KIEV, UKRANIA, AFP.- E bida di miónes di ukraniano ta kore peliger den e wenter aki despues ku Rusia a bombardiá e infrastrukturanan energétiko di e pais, asina e organisashon mundial di salú OMS a indiká.
Rusia a bombardiá den último simannan e instalashonnan energétiko di Ukrania, lagando miónes sin koriente i ku nan dilanti e promé sneu ku ta kai. E dañonan ya tin efekto den sistema di salubridat i salú di e hendenan, asina Hans Kluge direktor regional di OMS pa Oropa a informá.
E wenter aki ta representá un menasa pa e bida di miónes di persona na Ukrania, asina el a atvertí. E direktor regional a bisa ku te asta 3 mion di persona por haña nan obligá di laga nan kas i buska seguridat i kalor.
“Nan lo tin di enfrentá desafionan di salubridat inkluyendo infekshonnan respiratorio manera di covid-19 i neomonia i grip”, el a avisá. Ademas lo tin un rísiko grave di difteria i sarampi pa un poblashon ku no ta sufisiente bakuna.
