WASHINGTON (AFP).- Un wes a ordená e gobièrnu di presidente Donald Trump pa “fasilitá” e regreso di un migrante venezolano ekspulsá den luna di mart pa un prizòn di El Salvador. Ta trata di un deportashon similar na esun dje salvadoreño Kilmar Abrego Garcia.
E kaso di “Cristian”, identifiká ku e nòmber ei den dokumentonan hudisial, ta forma parti di un demanda kolektivo presentá na nòmber di personanan ku a drenta Merka komo menornan no kompañá i mas despues a solisitá asilo.
Den 2024 a aprobá un akuerdo di konsiliashon ku ta impedí pa deportá nan te ora ku resolvé nan petishon di asilo.
E wes Stephanie Gallagher a duna òrdu pa “fasilitá e regreso di Cristian pa Merka pa e por risibí e proseso ku e tabatin derechi riba dje di akuerdo ku e konsiliashon en kuestion”.
E wes a pone énfasis ku lo no ta sufisiente pa gobièrnu djis “hasi un solisitut di buena fe di gobièrnu di El Salvador pa liberá Cristian”.
Medio mart, Trump a ekspulsá pa El Salvador mas ku 250 migrante kendenan el a akusá di ta forma parti di gènnan.
Un di esakinan a gana kaso na Merka i mester por regresá. Di parti di gobièrnu di El Salvador, sinembargo, no a duna kooperashon pa manda e prezu bèk pa Merka.
