…Sala di prensa di White House, konbertí pa presidente merikano Donald Trump den un sitio kaminda nan ta disidí kua ta e periodistanan i/òf medionan di prensa ku por asistí na konferensia di prensa…
WASHINGTON (AFP).- White House ayera a anunsiá ku ta nan lo disidí kua ta e periodistanan ku tin akseso na aktonan di presidente Donald Trump, kitando asina e poder for di un asosiashon independiente di medionan di komunikashon norteamerikano. E organisashon ei pa kasi un siglo tabatin dicho tarea.
E bosero Karoline Leavitt a bisa: e Asosiashon di Koresponsalnan di White House (WHCA, pa su abreviashon na ingles) ya no por tin e “monopolio” di selektá ken ta forma parti dje grupo chikitu di reporteronan pa kubri Trump na sitionan manera White House i Air Force One.
WHCA rápidamente a kondená e medida, bisando ku “ta mishimentu ku independensia di un prensa liber”.
Na momentu di hasi e anunsio, e bosero di White House tabata flankiá pa dos pantaya grandi di vidio riba kua por a lesa “Victory” i “Gulf of America”.
“RIP WHCA”, segun un mensahe riba e ret sosial X di Jason Miller, un dje asesornan di White House, kompartiendo un video di hòmbernan kargando un kaha di morto miéntras ku nan tabata balia.
.
