WILLEMSTAD.- Djasabra 9 di mei tabatin un evento spesial riba Fort Wall den Rif Fort pa tur mama, futuro mamanan i personal femenino di Wind Creek Curaçao. E organisashon tabata den man di Team Events Committee (TEC) ku hasi un ekselente trabou. Ku e akto aki Wind Creek Curaçao ta sigui demonstrá ku su personal ta sentral. A pone atenshon tambe na sra. Averiłette Francis, General Manager, kende 1 aña pasá a bin ku e idea pa por lanta un “Team Events Committee”. Un gradisimentu di parti gerensia pa henter e tim TEC ku a hasi tremendo trabou, i a pone atenshon spesial na e mamanan di Wind Creek Curaçao Team.
