WILLEMSTAD. – Djasabra tabata un lokura total pa tur Yu di Kòrsou. E euforia tabata haltu aki na Kòrsou, na Ulanda òf unda ku nan tabata. E espektativa tabata sin presedente i e empate ku Ecuador a trese un legria sin igual. E selebrashon tabata tur afó.
Aki na Kòrsou den kasnan di famia, na sitionan, restorantnan i Punda tabatin aglomerashon di hende.
Aki na Kòrsou tin kas kompletamente dòrná na Eloy Room, esaki ta na Zapateer.
Na Ulanda famianan YdK a traha pamfleta pa bisiñanan tin indulgensia pa e forma kon nan
lo selebrá e wega i resultado di e wega te den oranan di mainta.
Na Groningen YdK a biba total ku e selekshon. Nan a fèrf nan kas blou, pinta kaya i pone bandera pa asina selebrá e resultado.
Riba e kombinashon di potrèt por haña un impreshon di e selebrashonnan aki na Kòrsou, na Ulanda i tambe kon sierto famianan aki na Kòrsou a dòrna nan kas.
Kas dòrná na Zapateer
Hopi hende a haña kaminda pa Punda kaminda tabatin pantaya grandi i bon ambiente.
