SAN FRANSISCO, MERKA, AFP.- YouTube a kuminsá tèst YouTube Shorts, e rival di TikTok na India, indikando ku lo rafiná e format di video kòrtiku i debutá esaki den vários pais mas.
YouTube Shorts a debutá segun TikTok ta purba logra sera un partnership ku Oracle, kual lo evitá ku Trump ta desaktivá e aplikashon chines.
E sekretario di finansa, Steven Mnuchin a konfirmá djaluna ku a haña e proposishon di Oracle, despues ku e kompania matris ByteDance a rechasá un proposishon di Microsoft.
E videonan di YouTube Shorts ta limitá na 15 sekònde.
E presidente di ‘product management’ di YouTube, Chris Jaffe a bisa ku lo modifiká Shorts basá riba feedback di e usuarionan promé ku amplia su disponibilidat.
TikTok ta un aplikashon sumamente popular, pero Trump a bisa ku China por usa e aplikashon pa chantage i spionahe. TikTok ta ninga tur akusashon.
Trump a duna òrdu pa bende e kompania chines ku unu establesé den Merka pa mas tardá 20 di sèptèmber