WILLEMSTAD – Djaweps atardi pa mas o ménos 4:30 Sentral di Polis na Aruba ta keda notifiká di un kaso na unda un hòmber mester a bira malu na un kas na Matadera. A despachá patruya di polis i tambe ambulans pa e sitio di e insidente.
Na yegada di ámbos enberdat a topa ku un hòmber ku no tabata reakshoná. Personal di ambulans a hasi nan máksimo esfuerso pero lamentablemente e hòmber a fayesé . A kuminsá ku un investigashon relashoná ku e kaso, mirando ku e situashon no tabata mustra natural, posiblemente lo tabata tin bolita den su kurpa.
Dokter forensiko Voskuil a presentá i a konstatá morto di T.A. D’Aguiar di 44 aña nasi na Korsou.
BFTO, komo tbe Unidad Narcotica a presentá pa asina hasi nan investigashon. Riba òrdu di Fiscal a konfiská e kurpa.
Relashona ku e investigashon andando a detené dos persona awe mardugá. Ta trata di e hòmber J.M.Z. Di 25 aña nasi na Aruba. Durante un entrada hudisial na un kas na Papilon a detené e hòmber G.ET. di 40 aña nasi na Aruba.
E kaso ta den pleno investigashon i no ta deskarta ku lo tin mas detenshon.
Kuerpo Polisial ta hasi un apelashon na es ku a sa algu òf a wak algu pa yama e liña di polis.
