WASHINGTON, AP. – Mike Pence ta un di e republikanonan kua kompará Donald Trump di manera faborabel ku Ronald Reagan.
Pero Michael Reagan no ta konvensí. E komentarista konservador i yu pa e di 40 presidente di Merka a usa su kuenta di Twitter pa terminá ku tur insinuashon ku e empresario multimionario ta un vershon nobo di Ronald Reagan.
El a pronostiká ku si Nancy Reagan tabata na bida, e lo a vota pa Hillary Clinton. Refiriendo na Trump, el a tweet “mi tata no ta respaldá e tipo di kampañanan aki”.
Djadumingu el a agregá riba ret sosial: “Si esaki ta loke Partido Republikano ke, no involukrá famia Reagan”.
