Den tur sentido e situashon humano i sosial ta bayendo atras ku pasonan gigantesko.
LA HABANA, Cuba (AFP).- Gruponan internashonal ku yudansa humanitario lo yega La Habana dia 21 di mart, segun a keda anunsiá pa e organisadónan. Cuba ta den un krísis ekonómiko sumamente grave i pa yuda e pais, a forma un grupo grandi di solidaridat mundial ku Cuba i lo nan yega e pais via aire i laman”, segun organisadónan a informá den un dokumento mandá pa AFP.
Cuba, ku un poblashon di 9.6 mion abitante, ta enfrentá un eskases grave di kombustibel for di despues ku e gobièrnu di Donald Trump a intensifiká e embargo ku Washington ta apliká kontra dje isla for di 1962.
Den un komunikado, e aktivista sueko Greta Thunberg, ku den 2025 a tuma parti n’e grupo ku a organisá pa hiba yudansa na Gaza desafiando e bloke marítimo di Israel, a konfirmá su apoyo na e akshon, sin splika si lo e biaha pa Cuba.
“Mi ta apoyá e yudansa aki na Cuba no solamente pasobra su pueblo tin mester di tur yudansa posibel, sino tambe debí na solidaridat internashonal ta e úniko forsa sufisientemente poderoso pa enfrentá figuranan imperial manera Trump i e promé minister israelí Benjamin Netanyahu”, segun Thunberg a duna di konosé.
