Presidente Trump a reuní ku presidente di Argentina Javier Milei na Kas Blanku
WASHINGTON, MERKA, AFP.- Presidente di Merka Donald Trump a bisa ku e yudansa finansiero pa Argentina ta dependé di resultado di e elekshonnan legislativo di 26 di òktober, ku lo dikta su homólogo bishitante Javier Milei, por proba e reformanan ekonómiko difísil.
“Bo sifra den e enkuestanan ta bastante bon, pero mi ta kere ku nan lo ta mihó despues di esaki”, asina Trump a bisa na momentu ku el a risibí e ultraliberal Milei na Kas blanku, dianan despues ku su atministrashon a anunsiá un yudansa di 20 mil mion dòler pa medio di interkambio di divisa i e kompra di peso riba merkado.
“Nos desishon ta mara na ken gana elekshon, pasobra si un sosialista gana, e sentimentu lo ta diferente si ta hasi e invershon”, asina Trump a splika durante di un almuerso di trabou ku Milei i su ekipo.
