SIUDAT DI GAZA, AP.- Strip di Gaza a kuminsá risibí trùknan turko ku yudansa humanitario, atraves di Israel, komo parti di un akuerdo di rekonsiliashon ku a yega Israel i Turkia luna pasá.
E kargamentu ta konsistí di 10.000 tòn di yudansa manera ko’i hunga, paña, kuminda. E promé trùknan a drenta Gaza djaluna, despues di a keda revisá pa Israel. Mas yegada mester drenta den próksimo dianan.
Israel i Turkia a distansia na 2010, na momentu ku Israel a kaptura un boto turko ku tabata purba kibra e blokeo di Gaza, kual ta goberná pa e grupo islámiko Hamas.
Israel ta bisa ku e blokeo ta vital pa evitá ku hamas ta importá arma. Krítikonan ta kalifiká esaki komo un kastigu kolektivo.
E entrega di yudansa ta pasa nèt den porta di Eid al-Fitr, un feria ku ta wòrdu selebrá mañan i ta marka final di e luna sagrado musulman di Ramadan.