WILLEMSTAD.- Zara ta anunsiá su promé tienda na Kòrsou den Sambil. ‘Global Fashion Giant’ ta habri na sèptèmber 2026, markando asina un logra históriko pa nos isla.
Sambil a anunsiá ayera ku Zara, e negoshi di moda di mas grandi, ta habri su promé tienda na Kòrsou. E tienda akí lo ta na Sambil, ku na su turno ta konfirmá e posishon di e sentro komersial akí komo esun primario di nos isla. E anunsio akí ta representá un momentu signifikante pa e historia di benta na Kòrsou, tresiendo un di e markanan di moda di mas rekonosé entre otro na New York, London, Paris i Madrid.
“Esaki ta un momentu históriko pa Sambil i Kòrsou”, segun Luis moreno, mènedjer di Sambil. “E desishon di ZARA di habri aki ta pone mas balor na nos vishon di krea un eksperensia di kompra di klase mundial. Nos ta orguyoso di trese un marka asina kerí pa nos komunidat”
Validashon global
Desishonnan di ekspanshon di ZARA ta basá riba un análisis riguroso di merkado, inkluyendo patronchinan di tráfiko, datonan di turismo i evaluashon di poder di kompa. E selekshon di Sambil pa e marka ta resaltá e importansia stratégiko di e sentro komersial i e atrakshon kresiente di Kòrsou komo un sentro di negoshi i turismo den Karibe.
Impakto ekonómiko
Ta spera ku e nobo tienda di ZARA lo krea hopi oportunidat di empleo lokal. Inditex ta rekonosí mundialmente pa su programanan komprensivo di entrenamentu pa empleadonan den servisio na kliente i visualisashon di merkansia, ku lo kontribuí na mas profeshonalismo di e sektor di benta na e isla.
Fortalesé turismo
Presensia di ZARA ta posishoná Kòrsou i Sambil komo un destinashon di turismo di kompra pa bishitantenan di islanan Karibense bisiña i pasaheronan di krusero ku ta buska markanan europeo rekonosí. Ta spera ku e tienda lo funshoná komo un ‘anchor ‘ku lo oumentá tráfiko total den e sentro komersial i benefisiá tur empresario di Sambil.
Konsepto di tienda di último nivel
E lokashon di Sambil lo presentá e último konsepto di tienda di ZARA, inkorporando elementonan di diseño sostenibel, teknologia avansá inkluyendo sistemanan di ‘self-checkout’ i integrashon ku ‘app’, manera tambe e estétika minimalisá karakterístiko di e marka.
Tokante di Sambil
Sambil ta e sentro komersial lider di e isla, ofresiendo un kombinashon úniko di entretenimentu, gastronomia, moda i servisio bou di un solo dak. Ku su kompromiso ku ekselensia i kresementu kontinuo, Sambil ta e destinashon’ One & Only’ pa famianan i bishitantenan ku ta buska eksperensianan eksepshonal.
