i lansa ZARA.COM/CW
WILLEMSTAD.- Zara a yega Korsou. Ayera tabatin apertura di su promé tienda i alabes lansamentu di zara.com/cw, tresiendo pa promé biaha na e klientenan di Kòrsou e eksperensia di kompra integrá di e marka, tantu den tienda komo via su plataforma ‘online’.
Situá na Sambil Kòrsou, un di e destinashonnan komersial prinsipal di e isla, e tienda nobo ta habri su portanan i ta marka e entrada di Zara den su merkado number 99 ku presensia físiko.
Simultáneamente ku e apertura di su promé tienda, Zara ta lansa tambe zara.com/cw, su plataforma ‘online’ spesífiko pa Kòrsou, disponibel pa promé biaha pa e klientenan di Kòrsou. Huntu, e tienda nobo i e plataforma ‘online’ lokal ta ofresé un eksperensia di kompra kompletamente integrá, konektando di forma di fluho e kanalnan físiko i digital di Zara.
E tienda nobo tin mas ku 2.800 m² di superfisie di benta distribuí riba un solo piso, kaminda e ta presentá e último kolekshonnan pa hende muhé, hende hòmber i mucha, ademas di espasio spesífiko pa sapatu i tas den kada un di e sekshonnan aki.
Diseñá pa e estudio di arkitektura di Zara, e espasio ta ofresé un eksperensia di kompra habrí, dushi i di intuishon. Organisá bou di un solo fachada, e diferente sekshonnan tin kada un nan su propio identidat, manteniendo na mes momentu un konekshon visual, danki na un distribushon ku ta invitá pa eksplorá e espasio. E plafòn habrí, amplio di espasionan i e definishon kuidadoso di e diferente ambientenan ta krea un ambiente luminoso i kontemporáneo ku ta kombiná sofistiká ku kalidat.
E interior ta kombiná tekstura inspirá riba piedra ku elementonan di palu i metal inoksidabel, miéntras ku tononan di tera ta reforsá e estétika di e establesimentu. E áreanan spesífiko pa produkto, inkluí e espasionan di sapatu i tas presente den e diferente sekshonnan, ta krea un rekorido di kompra mas kuidadoso miéntras ku nan ta presentá e último kolekshonnan di e marka.
Inovashon di servisio na kliente
E tienda nobo di Zara Kòrsou ta inkorporá e servisionan di e marka, integra di forma ku fluides e eksperensia di kompra den tienda i ‘online’.
Entre e solushonnan prinsipal disponibel tin:
Pedidonan realisá via zara.com/cw por wòrdu rekohé den tienda den un término di dos ora;
Un punto spesífiko pa rekohé pedidonan ‘online’;
Puntonan di pago asistí distribuí riba e diferente sekshonnan di e tienda i un ‘paskamer’ spesífiko pa maneho di devolushon;
‘Paskamer’ inteligente ekipá ku teknologia di rekonosementu di artíkulonan.
E solushonnan aki ta diseñá pa ofresé mas kumbinensia na e klientenan i permití e ekiponan di tienda brinda un atenshon mas personalisá.
Efisiensia
Den liña ku e kompromiso di Zara pa kontinuamente mehorá e efisiensia di su tiendanan, Zara Kòrsou ta inkorporá sistema avansá di maneho di energia, inkluí solushonnan di iluminashon efisiente i teknologianan di aklimatisashon diseñá pa optimalisá e konsumo di energia, manteniendo un eksperensia di kompra di kalidat máksimo.
E tienda tin tambe un punto pa kolektá karton ku ta permití klientenan resiklá e empakenan di nan kompranan ‘online’.
Zara i Inditex
Zara ta forma parti di Grupo Inditex, kompania global di moda ku ta inkluí tambe Pull&Bear, Massimo Dutti, Bershka, Stradivarius, Oysho, Zara Home i Lefties. Basá riba inovashon kontinuo i orientashon riba e kliente, Inditex ta operá un plataforma altamente integrá ku presensia den 99 merkado físiko i mas ku 200 merkado ‘online’, ku e kompromiso pa alkansá neutralidat klimatológiko pa 2040.
Grupo Bennu i Bennu corp
Grupo Bennu ta un grupo lider den benta i distribushon den Latinoamérika i Caribe, ku dékadanan di eksperensia den desaroyo i operashon di markanan rekonosé internashonalmente. E grupo tin un presensia regional fuerte i un portafolio diversifiká ku ta inkluí moda, estilo di bida, hogar i otro segmentonan di konsumo.
Bennu Corp ta e divishon di Grupo Bennu responsabel pa e maneho i operashon di e frankisianan di Grupo Inditex na República Dominicana, Venezuela, Aruba i, mas resien, Kòrsou.
