Presidente ukraniano, Volodymyr Zelenskyy, despues ku el a yega un reunion na Romania
KIEV, UKRANIA, AFP.- E presidente ukraniano, Volodymyr Zelenskyy, a pidi Merka mas arma pa su sistemanan di defensa antiaéreo Patriot. E intenshon ta pa e pais defendé su mes di misilnan ruso, segun un dokumento ku AFP a aña djárason.
Ukrania ta dependé kasi kompleto di aliadonan oksidental, pa e defensa aéreo kontra misilnan ruso.
Sinembargo, e guera den Medio Oriente a empeorá e skarsedat di arma di defensa antiaéreo, mirando ku e aliadonan di Merka den e region a usa esakinan pa enfrentá e atakenan di Iran.
Den un karta di 26 di mei i dirigí na e presidente merikano, Donald Trump, Zelenskyy a pidi yudansa di Merka.
Zelenskyy a hasi e petishon akí algun dia despues di un di e atakenan di mas pió, kombiná ku misil i ‘drone’, lansá kontra Kiev desde ku Rusia a invadí Ukrania mas ku kuater aña pasá.
