NEW YORK, MERKA, AFP.- Meta, e empresa matris di e retnan sosial Facebook i Instagram, lo retirá 10.000 trahadó, despues ku ya a retirá 11.000 persona kaba na komienso di novèmber, segun indikashon di Mark Zuckerberg.
Ademas, e empresa ku sede na Menlo Park lo eliminá e 5.000 vakaturanan i lo no tin konstatashonnan nobo, segun indikashon di Zuckerberg den un komunikado.
E promé departamento afektá lo ta di rekurso humano. E empresa ta poniendo fin na e ola di kontratashon ku a tuma lugá durante di e pandemia di corona vírus pa kumpli ku e demanda enorme di e temporada ei.
Ku e retironan masivo di alrededor di 21.000 puesto, Meta a redusí su personal ku 24%. Den su 20 añanan di eksistensia nunka e grupo a lansa un plan di retiro.
