Edishon Di Imprenta

10 aña despues asesinato di Rosleny Magdalena no tin detenshon

Komparti:

A’DAM/W’STAD.- Yu i famia di e dama rasa kurasoleño Rosleny Magdalena ta kòrda su di 10 aña ku el a keda asesiná, i te dia di awe no por haña esun ku a kometé e krímen aki.  Tampoko e famia no por haña ningun splikashon di loke a pasa.

Rosleny Magdalena (28) dia 17 novèmber 2016 a keda tirá mata den Amsterdam. El a kaba di baha su yu di 6 aña na skol, i koriendo pa bai kas, el a keda tira mata. Riba imágennan por mira un hende ku lo a para warda Rosleny ora el a krusa Maldenhof na Bijlmermeer, i ora l a krusa un brùg pa baiskel, a lòs tiru kaba kuné. Ken e hende riba e baiskel ta, te awe no ta konosí ni por hañ’e tampoko.

Te dia di awe, no tin klaridat ken a asesiná Rosnely.

Den pasado a yega di detené un sospechoso, pero a lag’e bai pa falta di prueba.

Su prima Shulesca de la Croes a indiká ku te awe no tin niun DNA ni tampoko testigu òf e arma. Nan no sa si ta un hòmber òf muhé e sospechoso tabata.

Apesar ku a pone 15 mil euro pa resolvé e asesinato te awe niun hende.

Shulesca i su famia a disidí di aserká e periodista Peter R. de Vries, ku lo a bini ku nòmbernan ku ni polis òf SHulesca mes sa di dje. E aserkamentu di Peter R. de Vries a keda te ei, paso a asesiné.

Artíkulonan relashoná

Laga un komentario