WILLEMSTAD.- Djasabra último skol di baile ‘Streanan Bailando’ bou di direkshon di Sherwin Clemencia, Sheardan Ignacia, Elsida Burnet i e tim kompletu a tene nan último eksámen di baile pa e aña aki.
Un total di 11 partisipante a pasa nan eksámen di lès di baile básiko i lès avansá di baile folklóriko ku éksito.
Esnan ku a gradua pa lès básiko ta: Margaret Martis, Joyceline Deonicio, Juliska Deonicio, Haydee Romer, Elaine Zuca, Jacqueline Elizabeth i Astrid Jansen.
Pa lès avansá a gradua: Merna Quinland, Irene Kleinmoedig, Ruthline Andrea i Silvio Martina.
E evaluadónan di anochi tabata Ifna Ilaria i Arlene Pieternella.
Ruthline Andrea a risibí premio tambe pa e trahe mas elegante i smail mas bunita.
Durante dje anochi a duna homenahe na 4 persona, Laureen Paulina, Arlene Pieternella, Peter Whiteman i Silvio Martina.
‘Streanan Bailando’ ta yama un danki spesial na kaha di òrgel ‘Zulia’ di Djùl i tambe na dj Whity. Gradisimentu spesial na tur persona ku a yuda baila ku e partisipantenan.
Pa mas informashon por yama Sherwin Clemencia na 666-7624. Les nobo ta kuminsá dia 10 di yanüari 2018 na Sentro di Bario Janwe. ‘Streanan Bailando’ ta deseá pueblo di Kòrsou un Bon Pasku i un Próspero 2018.