ORANJESTAD.-Aruba a implementá e medida drástiko di ‘toque de queda’ despues ku a tuma nota ku e poblashon no ta komprondé ku e mihó kos ta pa keda kas, i evitá kontakto personal. Tin un but di mínimo 1 mil florin arubano pa ora detené un hende ku violá e medida aki.

Sinembargo polis di Aruba ta informá ku ayera, den e anochi di djaluna pa djamars a bolbe detené 18 persona ku tòg ta riba kaya. Den e anochi di djadumingu pa djaluna tambe polis a detené 45 persona. E kantidat di hendenan infektá ku e vírus a subi na Aruba i a yega 12.