WILLEMSTAD.- ‘Festival di Pueblo’ su promé edishon tei bira un kos grandi. Ku un total di 5 tarima nombrá na nos baluartenan lokal: Boy Dap, Macario Prudencia, Elis Juliana, Rudy Plaate i Doble R, e festival lo pèrkurá pa un ambiente Krioyo dia 2 di yüli próksimo den Kaya Grandi Otrobanda. Lo sera kaya for di ‘Netto Bar’ te ku Plasa Brion i lo instalá 5 tarima na altura di Landslotterij, Viadukto, plenchi di Misa di Sta. Ana, na altura di edifisio di Jopi i na Plasa Brion. Agrupashonnan musikal ku lo duna un presentashon lo ta: A Piacere, Típiko Andrea, Típiko Elegansia, Norman Moron, Típiko pa bo gosa, 4 arteto Krioyo, Johnny Kleinmoedig i konhunto, Típiko Sta. Rosa, Típiko Pasa Bon, Típiko Sòpitu, diferente aktuashonnan kultural i Arnell i su Orkesta ku lo klousura e dia riba Plasa Brion. Ta bon pa menshoná ku ‘Festival di Pueblo’ ta kuminsá na momentu ku e aktividatnan ofisial di ‘Dia di Himno i Bandera’ terminá riba Plasa Brion. Dia 2 di yüli, dia di Himno i Bandera ta den Otrobanda tin ko !.