ORANJESTAD.-Kuerpo polisial di Aruba ta informa ku awe e tim speshal ku ta investigá kasonan relashoná ku droga ‘Project Team Drugspanden’ a tene un entrada hudisial na un kas na Seroe Alejandro i tambe na un kas na Rooi Kochi. A detené 3 hende hòmber di inisialnan S.C.S.St.J.A di 29 aña, S.T.C.Vd L di 31 aña i S.H.S di 64 aña. Tur tres a nase na Aruba.

Durante di e razia na ámbos kas a konfiská un kantidat basta grandi di koka, mariwana i plaka. Na e kas na Rooi Kochi a konfiská un revòlver tambe.

Ta pidi komunidat pa koperá ku polis mandando informashon via di e liña di informashon Tel: 11141. Ta garantisa ku tur hende ku duna informashon ta keda anónimo.