MIAMI, AP.- Outoridatnan a reskatá por lo ménos 30 persona ku a keda pega den nan kas pa inundashon kousa pa orkan Matthew riba isla New Providence, segun Agensia Nashonal di Atenshon di Emergensia di Bahamas.
Tabatin inundashonnan ekstenso riba e isla, pero no tabatin indikashon di personanan heridá òf morto. E isla ta inkluí e kapital, Nassau. New Providence a risibí un kantidat enorme di áwaseru pa e orkan Matthew durante djaweps. Meteorologonan a pronostiká ku 30 centimeter di áwaseru i un kresementu di olanan di sinku meter ta riba e nivel normal riba e isla mas pobla di Bahamas.
