NEW YORK, AP.- 31 mion persona a mira e kobertura di e inougurashon di presidente di Merka, Donald Trump.

E oudiensia total, ku ta midi e kobertura di 12 kanal públiko i di pago, a superá 20,6 mion espektador di e inougurashon di Obama na 2013. Normalmente, e segundo huramentashon di un mandatario ta registrá kaida den ratingnan. E promé inougurashon di Obama, di 2009, a wòrdu mirá pa 37,8 mion persona.

Fox News Channel a registrá e kantidat mas grandi entre kanalnan públiko òf di pago, ku 8,43 mion televidente. Entre e kadena di kabel, CNN a haña 2,46 mion espektador kontra 1,35 di MSNBC.

NBC tabatin 5,8 mion televidente sigui pa 4,9 mion di ABC i 4,6 mion di CBS.

E inougurashon ku mas televidente for di 1969 tabata esun di Ronald Reagan na 1981, ku un oudiensia di 41,8 mion persona.

E debatenan entre Trump i Hillary Clinton a registrá oudiensianan históriko, ku 84 mion televidente den sèptèmber. Sin embargo orario matutino tin sifra muchu mas abou ku esun estelar.