ORANJESTAD.- Den e mardugá di djasabra pa djadumingu, pa mas o ménos 12:15 dos persona a yega na warda di polis di San Nicolas ku herida di bala, miéntras ku dos otro a presentá EHBO na hospital asina polis di Aruba ta informa.

E personanan ku a presentá na e warda di polis di San Nicolas a konta ku un ratu promé, aparentemente un Nissan March lo mester a pasa dilanti American Bar na San Nicolas i lòs tiru riba un grupo di persona para pafó. Nan a sigui konta ku nan ta total 4 persona ku lo mester a haña herida di bala.

E dos otro personanan ku a presentá na warda di polis a bai INSAM pa tratamentu médiko i despues nan por a bai kas.

E otro dos personanan ku a presentá na EHBO na hospital, ku herida di bala  a keda tratá mesora i nan si a keda interná. Nan situashon ta stabil.

Patruya a bai na e sitio unda e kaso a tuma lugá i recherche a presentá pa asina hasi nan investigashon. Slachtofferhulp tambe a presentá pa brinda asistensia.

Kuerpo polisial ta pidi enkaresidamente na kualke hende ku por sa algu òf a wak pa yama e tiplijn di polis ku ta 11141.