DALLAS, AP.- Sinku polis di Dallas a muri i shete mas a resultá heridá durante un protesta pasífiko pa morto e siman aki di dos hòmber koló skur na man di forsa di lei na Louisiana i Minnesota. E sifra di sinku polis morto ku a tuma lugá riba e dia mas letal pa forsa di lei di Merka desde atakenan terorista di dia 11 di sèptèmber 2001.
E hefe di polis, David Brown, a kulpa e mortonan na “frankotiradornan” pero no tabata evidente na ki momentu ni kuantu tiradó tabata involukrá den e atake di djaweps.
Outoridatnan a bisa anteriormente ku tres sospechoso a keda detené i ku un di kuater a muri debí na un artefakto eksplosivo kargá pa un robòt riba un sitio di parker den sentro di e siudat kaminda e sospechoso a interkambiá tiru ku polis. Segun Brown, e hòmber a bisa na negoshadónan ku e ker a hasi daño na mas polis “spesialmente esnan koló kla”.
