WILLEMSTAD.- Instituto Buena Bista ta orguyoso di anunsiá ku tur 7 studiante ku a apliká pa sigui un estudio di arte akadémiko den eksterior a keda aseptá i lo bandoná Kòrsou pa sigui nan estudio.
E aña aki a prepará studiantenan pa tantu estudio na nivel di MBO i HBO. Riba e nivel di MBO tin un grupo di studiante ku pa promé biaha ta bai sigui estudio na e skol di teatro na Rotterdam, Ulanda. E studiantenan aki lo risibí entrenamentu den diseño di teater.
Riba e nivel HBO e studiantenan lo sigui estudio di ‘fine arts’, ‘illustration’ i ‘comic design’.

Graduadonan
E studiantenan ku a gradua ta Chiou Mian Lin (Fine Arts, Hogeschool voor de Kunsten Utrecht), Shaydiah Granviel (Fine Arts, Hogeschool voor de Kunsten Utrecht), Jivan Dwarkasing (Fine Arts, Royal Academy of the Arts, The Hague), Taima Raphaela (Illustration, Willem de Kooning Academy, Rotterdam), Aithel Antonius (Theater Design, MBO Theaterschool, Rotterdam), Jeanutha de Windt (Theater Design, MBO Theaterschool, Rotterdam) i Ethanie Martina (Comic Design, Artez Zwolle).

Riba foto nos lo por apresiá momentu ku ta otorgá e sertifikado na e studiantenan i tambe algun momentu durante dje evento i e eksposishon ku a tuma lugá.