WILLEMSTAD.- Festival Kantadó Mayó 2018 ta tuma lugá den Sentro Rekreo Suffisant riba dianan 6,7, 8 i 10 di mart 2018. Awe den oranan di mèrdia te atardi durante di un ambiente ameno, kompositornan, kantantenan, músikonan i fanátiko di Seú a topa otro. Un kantidat di 76 komposishon a inskribí. Los for di esaki sigur esnan ku ta bai kompetí a topa otro den un ambiente hopi ameno. E atardi a karakterisá su mes ku ambiente úniko. Hopi hóben a akudí i mei mei di nan tambe tin algun ku sea a sali kantando mayó, of esnan ku tabata den finalistanan atraves di aña.

Tayer
Pa loke ta e programashon ku ta sigui ta dia 21 febrüari di 19:00 - 21:00  lo tin un tayer sumamente importante i obligatorio na Klup di Shell.

Entrega di letra
Djaweps dia 1 di mart 2018  kuminsando for di 7’or pa 10’or di anochi lo ta dia di entrega di letra. Esaki ta tuma lugá na Klup di Shell inkluso lo skohe e òrdu ofisial pa loke ta trata e dianan di festival. Fundashon Kultural Seú Kòrsou ta sumamente kontentu i orguyoso pa loke ta e resultado di inskripshon.