MERKA.- Chris Brown a konta kiko a pasa den e bringamentu entre e i e kantante Rihanna, esaki despues di 8 aña ku e insidente a tuma lugá, kaminda e esun ku tabata su frei e tempu ei a sufri gòlpinan severo na kara.

Brown a duna e deklarashon aki den su dokumental ‘Chris Brown: Welcom to My Life’. Tur kos a kuminsá despues ku el a atmití di tabata infiel ku un kompañera di trabou.

‘E tabata odia mi, mi a trata di hasi tur kos, pero e no tabata wòri i no tabata konfia mi despues di esei. For di einan tur kos a kuminsá bira pió, pasó nos tabata bringa. Tabatin diskushon i tambe bringamentu’, asina e rapper a ekspresá.

E insidente a sosodé despues ku un fiesta a kaba promé ku Grammy Awards na 2009. E kantante a konta ku tabatin un konfrontashon den su outo, tanten e tabata stür bai kas.

‘Mi ta kòrda ku el a purba di skòp mi, pero despues mi a dal e un moketa den kara i a kibra su lep. Ora mi a mira kon el a keda mi a kai den shòk. For dje momentu ei, el a skupi mi ku sanger den mi kara i esei a pone rabia mas.

El a buska moda di kue mi telefòn, pero mi no tabata ke pa el a benta esaki fo’i bentana, asina Chris a afirmá.