DEN HAAG.-Tweede Kamer a aseptá moshon di desaprobashon kontra di e minister di Asuntunan Eksterior demishonario Sigraad Kaag ku 78 voto na fabor i 72 voto kontra. Tambe a pasa moshon di desaprobashon kontra minister di Defensa demishonario  Ank Bijleveld. Parlamento ulandes a ekspresa su desaprobashon pa e proseso di evakuashon ku a tuma lugá na Afganistan.

Tur partido den oposishon huntu ku e partido di koalishon ChristenUnie a vota na fabor di e moshon di desaprobashon. E partidonan ku ta formando e gabinete ulandes ku ta VVD, D66 i CDA a vota kontra di e moshon. SP tambe a entrega un moshon kontra gobièrnu pero esei si no a haña mayoria.

Kaag tabata presente den sala di Parlamento na momentu di e votashon. ‘Parlamento ta di opinion ku e gabinete a aktua iresponsabel. E úniko kos ku a keda mi ta di asumí e konsekuensianan. E minister mester bai ora ku su maneho haña desaprobashon”. Kaag ta bai entrega su retiro serka Rei. fot kortesia NOS