ORANJESTAD.-Unit Narcotica no ta drumi i ta trahando duru riba diferente kaso. For di novèmber 2023 Unit Narcotica ta investigando un kaso grandi di droga, asina bosero di polis di Aruba ta informa. Ta trata di un grupo kriminal ku ta importá i bende droga na Aruba.

Durante e investigashon Unit Narcotica a detené diferente sospechoso. E sospechosonan ta: e hòmber di inisial J.E.M. nase na Repúblika Dominikana 28 aña di edat. Un hende muhé di inisial J.M.M.M nase na Repúblika Dominikana 29 aña di edat i tambe a detené e hòmber di inisial M.L.S. nase na Merka 67 aña di edat komo sospechoso den e dicho kaso aki.

Durante di e investigashon aki a hasi dos entrada hudisial, i konfiská un kantidat di plaka i tambe diferente tipo di droga. E kaso grandi aki ketu bai ta den pleno investigashon. No ta deskartá mas detenshon den e dianan ku ta sigui.