ORANJESTAD.- Kuerpo Polisial di Aruba den un informe ofisial ta informá ku den e aña aki so, esta di yanüari 2019 te ku aprel 2019 a atendé ku 31 kaso ku ta trata abusu seksual di mucha bou di 18 aña i tambe kasonan inmoralidat kontra mucha. Segun e relato a atendé ku 12 keho di abusu seksual kaminda ta trata víktimanan di 16 aña òf mas. Tambe a atendé ku 19 kaso di inmoralidat kontra muchanan di entre 12 i 15 aña i tambe muchanan bou di 12 aña. Esakinan ta konforme e art. 2:199  Wetboek van Strafrecht i art. 2:200 wetboek van Strafrecht.

E departamentu enkargá ku e tipo di kasonan aki ta ‘Jeud en Zeden’. Nan tarea ta pa investigá kasonan penal di sospechoso bou di 18 aña. For di 1 di yanüari 2019 te ku 30 aprel 2019 Jeugd en Zeden Politie a tuma e siguiente denunsianan di kasonan inmoral: 

Yanüari 2019:     tabata tin  11 denunsia di kual 7 tabata abuso seksual i 3 pa akto kontra moral

Febrüari 2019:   Tabata tin   9 denunsia di kual  3 tabata abuso seksual i 5 pa akto kontra moral 

Mart 2019:       Tabata tin  9 denunsia di kual 1 tabata abuso seksual i 4 pa akto kontra moral

Aprel 2019:          Tabata tin  12 denunsia di kual 1 tabata abuso seksual i pa akto kontra moral

 A detené un total 33 sospechoso. E departamentu konserní ta konta ku 8 reshèrshi trahando di kua 3 ta sertifiká pa interogá muchanan bou di 12 aña.