MEXICO, AFP.- E ekstradishon pa Merka di e empresario Alex Saab señalá komo esun ku tabata enkubrí pa presidente Nicolas Maduro, a suspendé e negosiashonnan entre e gobièrnu i oposishon di Venezuela, ku a reanudá ayera na e siudat di Mexico.

E delegadonan di Maduro no a akudí na mesa, meskos tambe nan a bisa delantá di ta rechasá e ekstradishon di Saab for di Cabo Verde.

“Niun persona ta mas importante ku e pueblo venezolano”, asina Gerardo Blyde hefe di e delegashon opositor a bisa durante di un rueda di prensa na e siudat di México.

Gobièrnu di Maduro a bisa djasabra ku nan lo no asistí na e enkuentro despues ku Saab empresario kolombiano ku nashonalidat venezolano a keda ekstraditá pa Merka, i akusá di ta laba plaka pa chavismo.