WILLEMSTAD - Den ora nan di anochi, radar di Sentro Operashonal Marítimo (MOC) a detektá un posibel boto (tipo Yola) entre Klein Kòrsou i Kòrsou. Mesora a pidi e avion DASH di Wardakosta pa identifiká esaki. Na momento ku a risibí e konfirmashon ku ta trata di un boto tipo Yola, a instrui miembronan di Wardakosta riba Metal Shark pa asistí ku e kaso. E Metal Shark e interseptá esaki i a konstatá ku ta trata di 34 persona indokumenta ku nashonalidat venezolano. Ta trata di 24 hende hòmber, 9 hende muhé i un mucha di 2 aña. A trese tur persona Kòrsou i a entrega nan na personal di Kuerpo Polisial (KPC).