MIAMI, AP.- E nominashonnan pa Latin Grammy a keda posponé debí na e temblor ayera na Mexico i e desasternan ku orkannan Irma i Harvey a okashoná.

Presidente di Academia latina di Grabashon Gabriel Abaroa Jr. a bisa ayera den un komunikado ku e posponementu ta debí na e konsekuensianan teribel i trágiko di e desasternan natural ku a kaba di sosodé.

E anunsio di e nominashonnan tabata programa originalmente pa awe djárason. Ainda no a fiha un otro fecha.

“na e momentu aki, nos pensamentunan i orashonnan ta ku tur esnan afektá pa e akontesimentunan katastrófiko i esnan ku por sigui”, asina Abaroa a ekspresá.

E seremonia di e Latin Grammy ta sigui programa pa 16 di novèmber na MGM Grand Garden Arena na Las Vegas. E espektákulo por keda mira pa Univision.